სუხიშვილები - ლეგენდარული ანსამბლი, რომელიც 75 წელზე მეტია თვითმყოფადი ქართული ცეკვის ტრადიციებს ინარჩუნებს. შთამბეჭდავი ქორეოგრაფია, კაშკაშა კოსტუმები, ცეცხლოვანი ვნება და ორკესტრი უნიკალური ინსტრუმენტებით, რომელთა ჰანგების თანხლებით სცენაზე საქართველოს მუსიკალური ისტორია ცოცხლდება.
ქართული ნაციონალური ბალეტი ცეკვის ერთადერთი ანსამბლია, რომელმაც მილანის ლა სკალას სახელგანთქმულ სცენაზე მსოფლიო რეკორდი დაამყარა. კონცერტმა ფურორი გამოიწვია: თეატრის ფარდა 14-ჯერ აიხადა. ამრიგად, ენრიკო კარუზოს რეკორდი, რომლის კონცერტის ბოლოს ფარდა 11-ჯერ აიხადა, მოისხნა.
აშშ-ში, ბროდვეიზე ანსამბლის კონცერტი ორჯერ აღიარეს საუკეთესო წარმოდგენად.
პარიზში, ბალეტის პირველ წარმოდგენაზე, საკონცერტო დარბაზის წინ რიგი სამ კვარტალზე გადაიჭიმა. საფრანგეთში ტურნეს დასრულებისთანავე პოპულარული გახდა მაღალყელიანი ჩექმები და ბეწვის დიდი ქუდები. ივ სენ-ლორანის კოლექციაში კი ფართოზოლიანი და ბაფთიანი ქამრები გამოჩნდა, რომლებიც დღესაც მოდაშია.
მამაკაცები გასაოცარი სიზუსტით ცეკვავენ, ქალების მოძრაობა კი ანგელოზთა ნარნარს გვაგონებს. სიკისკასისა და სინარნარის ერთობის წყალობით, წარმოდგენა სრულად დაუვიწყარი და გამორჩეულია. თითოეული ცეკვა სცენაზე გაცოცხლებული საოცარი ამბავია.
ანსამბლის დამაარსებლების გარდაცვალების შემდეგ მას სუხიშვილების დინასტიის შთამომავლები ხელმძღვანელობენ. და სწორედ მათი წყალობითაა, რომ ქართული ეროვნული ცეკვის ხელოვნება დღესაც პოპულარობის ზენიტშია...
პირველი თაობა (1945-1985)
ნინო რამიშვილი და ილიკო სუხიშვილი (დამაარსებლები)
მეორე თაობა (1985-2000)
თენგიზ სუხიშვილი და ინგა სუხიშვილი(ვაჟიშვილი და რძალი)
მესამე თაობა (2000 წლიდან)
ნინო და ილიკო სუხიშვილები (შვილიშვილები)
ცალკე ხელოვნებაა სუხიშვილების ბალეტის კოსტიუმები. მთელი სამოსი და ნაქარგები მხოლოდ ბუნებრივი მასალებისგანაა შექმნილი. აგრეთვე გამოყენებულია მოხატულობა, აპლიკაციები, ლითონი და ქვები.
ანსამბლის რეკვიზიტშია ხმლები და ხანჯლები, რომლებსაც ცეკვის დროს იყენებენ.
ქ-ნი ნინო სუხიშვილი (მესამე თაობა) კოსტიუმების დიზაინერი და ანსამბლის სამხატვრო ხელმძღვანელია.
Sukhishvili, for all its acrobatics and occasional swordfighting, possesses a refined esthetic, from the live musicians on stage with drums, flutes, guitar and accordion, to the poise of the dancers, with their lifted, dignified bearing...
ენერგიული მუსიკის, მამაკაცთა ძალის, ქარბორბალას მსგავსი ბრუნების, ნახტომების, ხმლების, ფარებისა და ხანჯლების, ხატულა კოსტუმებში გამოწყობილ ქალ-შემსრულებელთა მოსრიალე და მოხდენილი მოძრაობის ერთობლიობა...
ქართულმა ნაციონალურმა ბალეტმა „სუხიშვილები“ - თავიდან ოჯახურმა წამოწყებამ - კომუნიზმის უღელს, ცივ ომს, საბჭოთა კავშირის დაშლას გაუძლო და მსოფლიოში აღიარებულ ანსამბლად ჩამოყალიბდა.
